好叉好味 (禧利街)

營業中

休息中

見到有新開嘅專食叉燒店，忍唔住要即刻去試吓，一到lunchtime好多人排隊不特止，仲有好多人嗌外賣，一心諗住應該好好味。之後叫咗最傳統嘅蜜糖叉燒飯外賣，佢嘅餐具好環保，係叉同羹嘅2合1，另外就係佢個紙盒同餐具都好實淨，確保唔外賣會整污糟，同埋夠力吉啲叉燒，個人覺得餐具方面做得好好。至於個飯，我嗌咗菜飯，都唔使加錢。佢叉燒同飯嘅比例近乎1:1, 超大碗，女士嘅食量嚟講真係未必食得晒。個蛋都煎得好靚，半生熟，方便篤爛佢撈埋啲叉燒食。啲叉燒係厚切，但我嫌我嘅叉燒比較肥，所以肉感唔夠，如果可以瘦番少少就好喇。同埋雖然我揀蜜糖，但其實蜜糖味唔夠，只係食到好小好小嘅蜜糖味。總結嚟講係唔差同值得一試嘅，但值唔值得成日食就真係見仁見智喇。