祥興記上海生煎包 (已結業)

琴日約左朋友去荃灣飲野，經過見有啲餓就睇下附近有咩食。見到呢間話米芝蓮推薦又有啲人排隊就決定試下。同朋友講開先知佢地屋企平時都係食呢間生煎包。我同朋友買左招牌， 鮮蝦同黑松露生煎包。 一拎上手熱辣辣，皮薄餡靚一咬開個皮就爆曬啲汁出嚟。唔知係咪佢係用啲油炸過，個包下面脆卜卜，一啲都唔係煎到燶水硬。鮮蝦都好新鮮有彈性唔會梅左。覺得鮮蝦仲好食多左啲層次。 我地企左係佢門口啲企位度，見住啲店員將一個個生煎包放入個爐度煎， 製作過程透明又衛生， 食落口嘅嘢梗係要衛生先食得放心。