更多
2021-07-12
13204 瀏覽
早一星期打去book位，接電話嗰個好認真，問係咪慶祝生日，周年紀念之類，之後又send 一大段whatsapp 講dress code , 開瓶費……好似好高級咁🌟。獨立建築，好有氣派，今日到門口已有兩個staff 開門，另有個著燕尾服waiter 帶位，經過小小旋轉樓梯，樓梯幾靚，有古堡feel, 有唔少古董，上到二樓，其實又唔係真係咁堂皇😏，首先天花矮啦，檯擺得都幾密，窗邊望出去有啲鐵絲網感覺，好焗促嘅，除此之外好多柱位，唔知係主力柱定design 啦，總之空間感就細，另外暗暗嘅燈光加紅色嘅绒沙化實在係六，七十年代嘅感覺😅。menu 同樣都係六，七十年代，面紙唔換，用到有少少殘舊，只換入面menu , 有中英對照，有別於一般法國餐廳，waiter 唔會解釋menu , 其實我唔知咩叫米蘭三絲湯😅，所以就問下，waiter 話即係雞絲，火腿絲……嗰一刻我明了😏，即係三絲炒麵嗰啲三絲。我地要咗430嘅set lunch , 另一menu 貴啲890有鵝肝。先嚟係包，有兩款，好普通，同喺A1買嗰啲差唔多😶。餐包一杯酒🥂，有紅or 白，我要咗白酒，其實我唔識飲酒，所以無乜comment.湯
獨立建築，好有氣派，今日到門口已有兩個staff 開門，另有個著燕尾服waiter 帶位，經過小小旋轉樓梯，樓梯幾靚，有古堡feel, 有唔少古董，上到二樓，其實又唔係真係咁堂皇😏，首先天花矮啦，檯擺得都幾密，窗邊望出去有啲鐵絲網感覺，好焗促嘅，除此之外好多柱位，唔知係主力柱定design 啦，總之空間感就細，另外暗暗嘅燈光加紅色嘅绒沙化實在係六，七十年代嘅感覺😅。
menu 同樣都係六，七十年代，面紙唔換，用到有少少殘舊，只換入面menu , 有中英對照，有別於一般法國餐廳，waiter 唔會解釋menu , 其實我唔知咩叫米蘭三絲湯😅，所以就問下，waiter 話即係雞絲，火腿絲……嗰一刻我明了😏，即係三絲炒麵嗰啲三絲。我地要咗430嘅set lunch , 另一menu 貴啲890有鵝肝。
先嚟係包，有兩款，好普通，同喺A1買嗰啲差唔多😶。
餐包一杯酒🥂，有紅or 白，我要咗白酒，其實我唔識飲酒，所以無乜comment.
湯嚟到，唔錯，有啲似雞湯，三絲另外一絲係蕃茄，湯好夠熱，喺旁邊heat住再上檯嘅呢點好讚❣。
starter兩份要咗蒜味炒磨菇田螺🐌，炒得都幾油，底有個脆片托住，食完個菇個脆片當然已經唔脆🤔。
main course 要咗羊架同牛。
牛係配沙律嘅，沙律喺面，下面有三塊好薄好薄嘅牛🥩，牛燒得ok嘅，不過個汁好濃，另外法國菜講求精緻美觀，呢個一啲都無美感。
另一個羊架都係三件，上碟唔太靚，無乜羶味，加個碟仔配啲菜，薯仔同泡菜，其實配泡菜有啲怪🙄。
set 包coffee or tea , 要咗我最愛嘅Mocha , 好夠熱，無拉花，無奶泡，無質素。
甜品無跟menu , book位時講咗係慶祝生日🎂，所以轉咗個拿破崙生日蛋糕，好多人用呢個蛋糕打咭，真心一啲都唔靚，拿破崙唔脆唔鬆化，係用cream唔係吉士醬，仲有海綿蛋糕喺中間，真係唔多夾。
最後有四支朱古力，中間係雪糕，唔特別高質, 因為朱古力味唔太濃，如果加啲nuts 會出色啲。
總括其實唔係法菜係舊式西餐，名過於實，唔高質，幾casual, 不過會用返做咗好耐嘅老員工，有人情味嘅👍。
張貼
