鮨廷 (已結業)

話說呢一間餐廳，行簡約路線，佢嘅菜單價錢屬於中低，如果想嘗試食日本嘅廚師發板，但係又冇咁多budget，可以考慮呢一間餐廳，我見佢嘅午餐都係三百零蚊，晚餐就係四百零蚊，如果要呢一個價錢可以食到廚師發板，其實真係好抵! - 咁我哋今次就叫咗兩個人嘅廚師發板啦，會有刺身壽司沙律同埋甜品，份量都足夠，而且可以試到好多唔同款式嘅食物，係新穎嘅，而且食物材料新鮮，讚! - 我諗未必每一次食嘅食物都係一樣，因為廚師發板都係由廚師去安排，所以佢個餐單上面都冇寫到會食啲乜嘢，但係可以肯定嘅係，佢哋餐廳用嘅材料全部都好新鮮，我同男朋友食都停唔到口 🤣😂🤣- 講到令到我哋都一致讚好嘅一定係拖羅海膽，左口魚同埋蝦刺身！ 簡直係黎多多都食得晒！ - 仲有好多唔同款式嘅魚類，不過我唔係好記得個名，但係師傅都好細心咁樣去同你講解每一個食物係乜嘢，應該要點樣食，食邊一個先，因為廚師發板其中一個底蘊就係同廚師溝通，我覺得成餐飯食得好舒服，同埋你會知道自己食緊啲乜嘢，最緊要係啲食物材料真係好新鮮，我哋會再去㗎！ ❤️❤️- 我都想放晒啲相出嚟，但係最多只可以放到10張😂