寶泰車仔麵 (灣仔道)

小妹好鐘意食車仔麵，上網見灣仔唔多，面對電車路嗰間食過幾次，想試新嘢，見呢間好似唔錯，所以一試，午飯都好多嘢揀，但我想食麵，所以最後都係決定揀麵。

車仔麵嘅餸好多款，眼花撩亂 (選擇困難症) ，最後食咗 4 餸車仔麵 (蘿蔔、豬紅、酸齋及韮菜餃)，好好食 ，蘿蔔好甜 ，飲品揀咗豆漿，埋單 $59，都唔算貴。

麵嘅湯底揀咗沙嗲汁 (少辣)， 都可以，唔係太辣，但有啲麻。

整體唔錯，食完見門口有「酸菜魚」，下次晚飯可以試試，我鐘意食㗎。