十字冰室 (恆陞大樓)

營業中

休息中

同朋友行街遇驟雨，入到呢間冰室食午餐順便避雨。我哋同行三人，落座啱啱好過11時，點咗一份常餐，一份皇牌餐，同一份懷舊鮮茄焗豬扒飯。佢嘅常餐包含一份豬骨湯意粉同豬扒炒蛋牛油多士，仲包一份熱飲。皇牌餐系牛尾通，黑松露炒蛋同埋牛油多士，都包一杯熱飲。睇朋友嘅套餐分量都幾大，我哋女仔兩人食都足夠。我嘅呢個扒飯都okay，上餐時幾燙口，豬扒唔算硬，番茄味道都鮮濃，飯軟硬適中。奶茶幾滑，奶味香濃，茶味偏淡。店內人唔算多，waiter都幾有禮貌。食咗飯剛好天放晴，繼續行街啦！