好煮意

營業中

休息中

上星期五（10月13日）去咗沙田博康邨做嘢，午飯時間，隨著人流，嚟咗沙角邨商場，兜兜轉轉，左揀右揀之下，嚟到呢間起街市旁邊，舖仔細細（目測最大容納人數少於卅人），唔多起眼但選擇多多嘅舖頭，叫咗個藥膳醉雞米粉，加碟炸魚皮，轉配熱菠蘿青檸蜜，合共$68。藥膳米粉，湯有當歸味，可能太多紅棗緣故，味道偏甜，唔係我喜愛嘅藥膳味，醉雞無酒味（正常嚟計係要有花雕酒味），而且肉質唔滑，絕對係敗筆之作，實在太懷念已摺埋起聯和墟嗰間陳黃記嘅藥膳魚頭同花雕醉雞啦！炸魚皮夠脆，但我嫌太碎，可以大塊啲就仲好。菠蘿青檸蜜，蜜味過濃，蓋過菠蘿同青檸嘅味道，一試無妨，再試就咪搞。總括而言，呢餐味道不過爾爾，而價錢略貴。