日日涮 (已結業)

今日放工約朋友晚餐， 去到旺角創興， 食開嗰幾間都大排長龍， 見呢間新開張又有優惠， 一於去試試。新開張優惠係兩個人頭第二位半價， 我揀咗最平嘅package， 178蚊一位， 不過埋單加埋一都唔使400蚊。呢個package包左最低級嘅美國肥牛， 黑豚肉同埋雞肉， 仲有刺身任叫。 佢個美國肥牛都唔算太差， 你當係吉野家肥牛差唔多啦， 豬同雞都係正常嘢。 大堂仲有好多唔同丸類，菜供應， 飲品又係有好多類型， 除咗正常嘅凍飲汽水， 就連熱飲機都有一部。 醬料就同一般嘅shabu-shabu差唔多。今次我就叫咗個壽喜燒湯底， 例牌都送咗一隻生雞蛋， 壽喜燒湯底好甜， 點肥牛一流。 不過我坐嘅位係冇電子爐， 所以我係明火煮食， 唯一麻煩就係成日燃料耗盡， 兩小時任食其間， 都斷火兩次。 是因為侍應太忙， 兩次都等咗好耐先有人幫我點火。