西沙茶座

營業中

休息中

今日同女朋友去左西沙路既西沙茶座食晚飯， 西沙茶座果度有得免費泊車，方便揸車嘅朋友黎幫襯，而西沙茶座有室內冷氣房同戶外俾你揀坐邊。今次叫左泰式炸蝦餅，菠蘿焗飯，魚露生蝦，碳燒皇帝魷筒同空運椰菜苗。出菜速度都幾快，我落左無耐單就已經上菜。泰式炸蝦餅及空運椰菜苗，每次黎都一定會叫，因為真係整得好好食 ; 魚露生蝦個醬汁都做得好出色。唯一失望的是菠蘿焗飯同碳燒皇帝魷筒，真係一般到無可再一般，無咩特色之剩味道也欠奉，而碳燒皇帝魷筒簡直中哂伏，魷魚 D 肉薄到好似薯片咁，而且裏面啲餡又唔好食，最嚴重就係得一小隻，而隔離就俾啲雜菜您，完全係搵笨之作。