點點心 (已結業)

唔知幾時開始鍾意幫襯新式茶居呢？可能相對酒樓係比較容易搵位同點心賣相比較靚，就算同屋企人去飲茶，我都會建議去小店試，分分鐘帶比大家無限驚喜😁賽螃蟹翡翠菜苗餃 $25 食唔到賽螃蟹呀，只覺得佢係普通菜苗餃，但就有好彈牙嘅蝦囉金沙肥豬仔 $22呢個超好味，最重點係做到金沙同流，賣相超可愛，記住影完相要快d食，因為佢呢度d點心唔太熱架黑松露小籠包 $23個皮好易穿，三隻有兩隻一夾就穿咗漏咗汁，肉太大好似食緊獅子頭咁，黑松露味道又唔出，不試也罷香菇春蛋燒賣 $24其實無乜特別，只係好耐無食鵪春蛋黑松露野菌腸 $23有淡淡既松露香味，皮薄帶點煙靭，食落有ｄ爽口物體(因為太餓，所有無研究係乜)，可以一試真係菠蘿包 $21呢個好得意，真係食到包裡面有甜菠蘿，得意之作，可以一試鮮蝦脆雲吞 $21呢個我極力推介，主要原因係裡面有隻好大既蝦，雲吞炸得香脆但又唔太油，必試陳皮蜂蜜燉原個雪梨 $15x3因為太抵同自己整太多功夫，所以無唔試既理由，雪梨好清甜，蜂蜜加陳皮個水又好味，清潤推介後記：什麼最佳食府、香港最佳點心，都只係誇張而已，呢間點心响外國雜誌好出名，所以超多外國人嚟食，星期日下午2點幾都要等半個鐘