大叻越式料理 (已結業)

今日想食清淡d，所以黎到位於荔枝角Aeon二樓既大叻越式料理，試下越南菜。食越南野又點可以唔食最出名既火車頭，有肥牛，牛丸，牛筋，牛柏葉。一次過滿足你食牛既慾望。湯底都幾濃郁！（由於太肚餓，唔記得影相記食左一半）本身想食牛油雞翼，點知今日賣哂，試試香茅雞翼亦唔錯，幾香口。呢個蝦餅就真係差d喇，合埋眼食仲以為佢係魚蛋，口感認真麻麻，不推薦。三道菜埋單一百八十幾蚊，以呢個價錢黎講算係不過不失，但真係唔建議試蝦餅。