嚼江南 (已結業)

位於沙田新城市廣場邊緣既「嚼江南」係鴻星集團其下既食肆。可能因為只係位處商場既邊緣位置而非自由行必到既中心地帶，所以即使係午市黃金時段都唔係全場滿座，就算walk-in入去都應該重有位。可能亦都因為咁，午餐既套餐算係非常抵食。$50幾蚊有一碗麵（豬骨/担担或麻辣湯底）、一碟餸同埋包埋野飲添。如果唔夠食的話重可以加窩貼、小籠包、春巻等等，重要免茶免加一添，真係非常吸引！担担麵好快就上枱。雖然餸唔算太多，但都叫做可以接受。湯底非常入味，辣中帶少少甜既味道都幾惹味，最特別既係無落到味精，以致即使飲左好大碗湯成個下晝都唔會渴死人咁。唯一要批評既係好似D麵煮得over左少少，可能因為食材係用左上海麵既關係，越食越淋pat pat咁，雖然勉強都可以接受，但少不免要扣少少分！炸豬扒整得十分鬆脆，第一啖咬落去已經食到個表面炸得有少少脆之餘又唔會過份乾身。而豬扒亦都應該經過特別處理，雖然食得出應該無乜點落到鬆肉粉，但整體肉身唔算太硬之餘亦都好容易入口。不過要批評既係佢地好似用油既份量好似重手左少少，雖然「炸豬扒」少不免會有呢個情況發生，但如果可以更加好咁樣去控制呢個步驟就更very good喇！坦白講，