香港老冰室 (已結業)

屋企住尼度附近，有時唔想煮飯的時候都會落樓買份炒飯或者係炒河。今次係第一次係尼間冰室叫送食飯，首先我覺得冰室服務係唔錯既，畢竟係做街坊生意。我地兩個人叫左兩個送，有送白飯同中湯或者係飲品。個湯飲落唔錯，但係因有落唔少味精所以飲完好頸渴。叫左個三杯雞同西蘭花炒鮮魷，個三杯雞唔錯既，但係食到隻雞翼有啲血絲咁，唔係好熟怕怕地。西蘭花炒得好好味，夠脆夠甜。但係個鮮魷就差啲，無乜味，同埋個口感食落好似未熟咁。埋單150左右，二人餐性價比還可以。