影片
更多
2023-08-17
258 瀏覽
今日突登出黎食呢間粉紅水門雞！作為泰菜愛好者🇹🇭👩🏽🍳，老實講，香港既泰國菜水平真係唔差，只不過個價真係太貴啦。兩個人食，閒閒地都二三百蚊落樓💸💸，性價比太低。所以收到風呢度有間親民既泰式餐廳，即刻探探店～～事關朋友仔今日生痱滋🫠冇胃口食野，所以淨係叫左個一人餐，加個甜品～一人餐（$58）包括：一碗冬瓜雞湯自選飯類（我簡左粉紅水門雞飯）自選小食（我簡左炸蝦餅）唔知大家有冇食過泰國正宗既水門雞，食過既會知道……其實佢啲雞一啲都唔滑🤣🤣🤣但呢間既水門雞，雖則都唔係非常滑，但都不過不失啦！但係，驚喜黎啦！水門雞配既醬汁，還原到泰國既味道！酸辣平衡完美，極之惹味！😋😋而且一人餐的話，份量會有35%增量，所以都幾大碟，性價比高👍🏻如果講最喜歡既泰國菜色，飛天通菜一定位列三甲🥇🥈🥉不過我對呢次既通菜相當失望。首先，佢呢個通菜係恰的，而唔係炒，已經少左好多鑊氣。之後，上面一層醬料，食落好似豆瓣醬既味道，配上恰通菜唔太夾🙅🏻♀️🙅🏻♀️食落好香口，而蝦餅口感彈牙有咬口，有少少蝦既海鮮香味，配泰式辣醬，甜甜酸酸，相當開胃😋名乎其實既雞湯，飲落有雞湯既鮮甜，加上冬瓜湯味道本身都清新，兩者加起來清甜下火而
事關朋友仔今日生痱滋🫠冇胃口食野，所以淨係叫左個一人餐，加個甜品～
一人餐（$58）包括：
一碗冬瓜雞湯
自選飯類（我簡左粉紅水門雞飯）
自選小食（我簡左炸蝦餅）
粉紅水門雞飯
3 瀏覽
0 讚好
0 留言
唔知大家有冇食過泰國正宗既水門雞，食過既會知道……其實佢啲雞一啲都唔滑🤣🤣🤣但呢間既水門雞，雖則都唔係非常滑，但都不過不失啦！但係，驚喜黎啦！水門雞配既醬汁，還原到泰國既味道！酸辣平衡完美，極之惹味！😋😋而且一人餐的話，份量會有35%增量，所以都幾大碟，性價比高👍🏻
馬拉盞通菜（跟餐加$14）
$22
7 瀏覽
0 讚好
0 留言
如果講最喜歡既泰國菜色，飛天通菜一定位列三甲🥇🥈🥉不過我對呢次既通菜相當失望。首先，佢呢個通菜係恰的，而唔係炒，已經少左好多鑊氣。之後，上面一層醬料，食落好似豆瓣醬既味道，配上恰通菜唔太夾🙅🏻♀️🙅🏻♀️
炸蝦餅
4 瀏覽
0 讚好
0 留言
食落好香口，而蝦餅口感彈牙有咬口，有少少蝦既海鮮香味，配泰式辣醬，甜甜酸酸，相當開胃😋
冬瓜雞湯
3 瀏覽
0 讚好
0 留言
名乎其實既雞湯，飲落有雞湯既鮮甜，加上冬瓜湯味道本身都清新，兩者加起來清甜下火而且清熱，即刻叫生痱滋既朋友飲晒佢🤣
芒果糯米飯
$23
8 瀏覽
0 讚好
0 留言
芒果肉🥭香甜，底層分別有白糯米同紫糯米，個人覺得紫糯米略勝一籌👍🏻不過兩款撈埋椰汁去食，咸、香、甜，口感又煙煙韌靭，糯米越咬越香，令人一啖接一啖，停唔到口～～不過美中不足嘅係份量偏小🤏🤏
店面夠大，客人唔算多，乾淨企理。用QR code電子落單，員工工作快，上餐時間短。
*舖頭收現金、八達通
張貼
