星泰真味 (已結業)

今次為大家介紹嘅都係大埔嘅餐廳。到咗下午茶時間，同阿媽諗住近近地搵間茶記食個Tea，所以去咗呢間喺大中嘅星泰真味。鍾意食叻沙嘅嘅我叫咗豬頸肉叻沙金邊粉，佢嘅叻沙有啲似咖哩，湯底夠濃，又有椰奶味，幾啱小編口味，豬頸肉份量適中，豆卜同蛋都有俾齊。阿媽叫咗廈門炒米，炒出嚟嘅色澤都幾靚，茄汁嘅甜甜酸酸夠曬開胃，加埋蛋絲、火腿同蝦仁等配料一齊炒，以下午茶嚟講，份量都夠食嘅。整體嚟講係大中商場入面又平價質素又不過不失嘅餐廳。