辣蕃茄蟹肉扁意粉 🍝 蕃茄同蟹肉perfect match，帶點辣勁更開胃，搭配的扁意粉口感唔錯，值得一提係蟹肉份量非常大方，食到啖啖意粉都有蟹肉🦀
巴馬火腿吐司🍞 吐司烤得酥脆，可以夾著香濃的巴馬火腿，或塗上牛油果醬 🥑，又或沾上甜甜的蜜糖，口感同味道都好豐富，絕對係鹹吐司嘅不二之選。
士多啤梨梳乎厘 賣相同香味滿分，仲彈下彈下😍 士多啤梨嘅鮮甜同梳乎厘嘅軟熟口感相得益彰，每啖都充滿水果香味，大滿足🥰
Dirty 濃度正好，充滿咖啡香同奶香，又不失濃郁口感。
石榴檸檬梳打 非常清涼解渴，原來石榴同檸檬🍋味道咁夾，酸酸甜甜啱曬夏天！
最後值得一讚嘅係上菜次序，我地一口氣叫曬鹹甜點飲品，職員喺咁忙嘅時間都做到先鹹後甜，仲問我地上得pancake 未，洗唔洗加野飲，appreciate 🫡
