上海美華菜館 (已結業)

媽媽喜歡食上海菜，土瓜灣區上海食店不算多，家人在OpenRice 搵到這間食店就去book啦！今次也是第一次去食，點知一入門口已經一肚氣😤老闆娘大大聲話要齊人先可以入去，叫我地在門口等。其實我地只欠一位未齊，當時仲落緊大雨，我唔想老媽子企咁耐，要求先比我地入去，當時入面有幾張空枱但佢比咗張門口位枱我地，家人要求坐入去，老闆娘態度極差不可一世，點之家人同佢吵了！老闆娘仲話下次唔嚟都無所謂！真係態度囂張！叫餸只可以落一次單！家人想叫砂鍋雲吞雞，大大聲話冇雲吞！排骨麵話冇麵！老實講味道真係好一般，有雪味！上海粗炒無味，醉雞無味，韭黃鱔糊得幾條全面都是韭黃，蝦仁炒年糕尚可，最後家人食上海粗炒竟然食到有骨碎，個老闆娘大大聲話報警拉佢阿笨！我地買咗蛋糕諗住食完飯切，老闆娘話若果喺度食，佢話要加五十蚊！我地嗱嗱林快食埋單走人，真係冇下次啦😡😡感恩老媽子知道我地愛錫佢，受氣也算了❤️