士林棧 (已結業)

看到鋪名叫士林，就令我想起台北的米線。門口又有什麼雜誌推介，咁就入內試一試啦。叫了牛米線+珍珠奶茶首先講下杯珍珠奶茶，佢鋪頭叫得士林棧，諗住應該有正宗台灣風味，點知原來係台式港味fusion菜。杯奶茶係港式凍奶茶加幾粒珍珠就叫珍珠奶茶。而且係茶味偏重，就算港式奶茶都講唔上好飲。啜左啖奶茶，我心知伏已中。不久碗牛米線黎埋，食啖米線先。點解有咸酸菜味嘅？佢當左自己係雲南米線呀。而個湯底係五香味。不過不失咁，冇咩特別。同我開罐五香牛肉罐頭冇乜分別。再試下啲牛，係炆得幾淋，但同台灣勁濃牛肉味的牛冇得比。碗麵35元，熱飲加5，凍飲加7。總括來講，我係唔會去食第二次