一尚廚房

食物質素普通。普遍都係偏鹹，啲肉質又係好老，與一般大排檔無異。

黃金魚皮與一般雲吞麵檔冇分別。炸大腸好乾。蜜椒薯仔牛柳粒啲牛肉好嚡。水煮魚叫做OK。辣子雞啲肉好少都叫做食得下。另外仲叫咗九肚魚，椒鹽豆腐同埋排骨，都係一般。最好可能係個清炒白菜仔。

另外由於六月嘅promotion,所以藍妹啤酒每枱有四支免費。

但係呢一度嘅特色就係好多元朗大叔會嚟呢一度食飯，飲飲下酒，然之後猜枚輸咗會掟杯，整到你成身都濕晒。

除非你係元朗鄉紳，否則冇乜事都唔好嚟。