李輝記牛欄

近年好少响屋企打邊爐，所以難得一次，梗係想搵啲好味o既牛肉食吓。

呢度雖然食評唔多，不過，幾年前已經聽聞。
所以，決定試一試。

手切肥牛

手切肥牛的確有料到，唔算太肥，充滿牛肉味。淥耐咗都唔會韌，肉質算唔錯。
$120 左右一斤，值。

同時都買咗牛丸同牛筋丸。
牛丸比較普通，味道冇乜特別，勝在爽口。
牛筋丸較有牛肉味，唔會有渣，相對地出色。