榕記車仔麵 (已結業)

今日一個人去左將軍澳食飯，朋友突然開會好忙，我就唯有單拖食個簡便晚餐。寶林有間車仔麵，環境乾淨整齊，餐廳主打自家製湯底，非一般車仔麵油膩湯底，我就去試下啦！湯底我叫左姬松茸蟲草花湯底，蟲草香甜唔會有好大陣藥材味道，聽落好似藥材湯底，入口反而好香甜好解膩，清清地完全唔會油膩，飲一啖覺得好滋補，湯底好驚喜！我叫左牛腩和豬大腸，牛腩好軟腍，炆得好入味，入口無咩肥肉，中間帶點油脂，肉質鬆化香口！豬大腸完全唔肥膩，清洗得乾淨唔會有躁味，入口爽口嫩口，的確令人非常滿意。我另外加點左一個醬薰蹄，入口爽口，唔會油膩，配車仔麵都好合適，最鐘意中間果層果凍口感！下次帶朋友再黎食過！