Dodam Chicken (1亞太中心) (已結業)

朋友由外國番黎，當然要帶佢去食好野啦！去左同事介紹呢間韓國餐廳，好多人等位，好彩一早book左！韓式炒牛肉粉絲牛肉用醬汁醃過，加埋紅蘿蔔同彩椒炒好香甜，最正係粉絲，口感煙韌，嗦哂汁料勁入味。韓式海鮮煎餅超級大碟，好似pizza咁，啖啖都食到魷魚同蔬菜好多配料，一定要配埋佢個醬汁食，辣辣地好惹味。黃金鹹蛋脆雞呢個係同事重點推介，叫我地一定要試，外層好脆，好有蛋黃咸香味，入面雞肉好嫩滑，加檸檬汁感覺清爽唔溜。