更多
2018-02-15
157 瀏覽
今日大家睇嘅依篇食評有啲特別，主角唔係美食而係環境。<麥當勞>相信全世界大部份人都食過，而當中嘅食物是什麼質素和味道，相信唔需要我點評大家都心中有數。但今次<為食小肥兔>對而家麥當勞嘅環境設計實在睇不過眼，有感而發！！其實最不滿嘅係座位嘅設計，所以接下來主力俾大家睇座位相。枱邊（非上下左右四個角）係直角就好合理，但係想唔到凳既大髀位都可以系直角，小學生上堂嗰張木凳都肯定坐得舒服過佢！！墻邊嗰行凳仲厲害，直角都不特止仲要鬼死咁細，我真係懷疑張台放唔放得曬成個託盤。你估而家仲係6,70年代，社會環境唔好，個個都鋼條身形咩？！中央嘅座位都好有特色，唔講仲以為去咗自修室。我明白做生意嘅當然唔想客人食完仲坐咁耐，但咁樣設計好明顯真係冇尊重過食客，我只係想舒舒服服坐低食個快餐啫！！不如索性好似圖中咁，全個餐廳擺滿立食嘅枱算啦！！為咗證明畀大家睇我都有份迫於無奈坐得好唔舒服，所以影埋俾大家睇我食咗乜。我食咗新出嘅招財雞堡餐配扭扭薯條。其實招財雞煲咪又係板燒雞腿包不過改咗黑椒汁啫！！做生意要賺錢係岩，但作為一間跨國大公司大企業係咪應該有少少良心呢
其實最不滿嘅係座位嘅設計，所以接下來主力俾大家睇座位相。
枱邊（非上下左右四個角）係直角就好合理，但係想唔到凳既大髀位都可以系直角，小學生上堂嗰張木凳都肯定坐得舒服過佢！！
墻邊嗰行凳仲厲害，直角都不特止仲要鬼死咁細，我真係懷疑張台放唔放得曬成個託盤。你估而家仲係6,70年代，社會環境唔好，個個都鋼條身形咩？！
中央嘅座位都好有特色，唔講仲以為去咗自修室。
我明白做生意嘅當然唔想客人食完仲坐咁耐，但咁樣設計好明顯真係冇尊重過食客，我只係想舒舒服服坐低食個快餐啫！！
不如索性好似圖中咁，全個餐廳擺滿立食嘅枱算啦！！
扭扭薯條
17 瀏覽
0 讚好
0 留言
為咗證明畀大家睇我都有份迫於無奈坐得好唔舒服，所以影埋俾大家睇我食咗乜。
招財雞堡
9 瀏覽
0 讚好
0 留言
我食咗新出嘅招財雞堡餐配扭扭薯條。
其實招財雞煲咪又係板燒雞腿包不過改咗黑椒汁啫！！
做生意要賺錢係岩，但作為一間跨國大公司大企業係咪應該有少少良心呢
張貼
