更多
2019-09-09
3297 瀏覽
以為呢間日本料理只係食丼,原來仲有其他嘢食俾你選擇,例如日本嘅小吃,串燒,仲有一品料理,我哋就想試多啲其他款式嘅嘢,所以就揀咗一個刺身海鮮丼,小小串燒,仲有小吃同埋一個鍋物,首先第一個嚟嘅係最吸引嘅海鮮刺身丼,賣相好靚,啲海鮮刺身亦都好新鮮,同埋大大嚿,唔會薄切,至於佢個份量,就剛剛好一個飯碗嘅飯,所以唔會太大碗,飯嘅份量同海鮮刺身嘅份量比例好好,唔會話食晒啲刺身之後仲剩餘好多飯,所以基本上叫完一個刺身飯之後,都仲要嗌多小小小吃去填飽個肚,之後來的就係炸薯餅,忌廉蟹肉薯餅,好香蟹肉味,忌廉好滑口,軟綿綿,但薯餅表皮又揸得卜卜脆,好正,之後就輪到啲串燒到啦,我地叫左一口甜薯,雞軟骨,一口豚肉,雞腎,串燒黎講一般,因為入口淡而無味,甜薯都甜,但其他串燒真的麻麻,因為我地覺得薯餅太正,叫左個紫薯薯餅,表皮一樣咁卜卜脆,紫薯餡甜得剛剛好,呢款食物可以當甜品最後食,但我地無唸過😂😂😂最後就係牛肉壽喜鍋,一鍋夠2人份量,入面有冬菇,滑豆腐,娃娃菜,日本粉絲,肥牛,同一般出面食到既都差不多,整體黎講都還可以,屬中價位日本料理👍🏻👍🏻👍🏻
張貼