影片
更多
2015-11-09
645 瀏覽
今晚放工返教會上堂, 要食個quick dinner, 未試過主打雞湯既車仔麵, 星期日返教會經過這店但都未能幫襯, 因為少有的店鋪是逢星期日休息的, 原來老闆話星期一至六都做到零晨12點, 所以星期日點都要抖一抖. 很喜歡幫襯這類自家小店，老閭多是很親切招呼客人。店裡很乾淨, 以木枱椅為主. 不似一般車仔麵店又逼又熱.車仔麵餸款選擇多, 想經濟啲可叫SET好既套餐, 更可半價配飲品. 但我想食既餸同套餐不同, 唯有散叫. 除了一般腩汁, 還有可分開上既麻辣汁。蜂蜜蘆薈清潤飲$14 ~ 欣賞他們自家製涼茶, 我這杯是羅漢果+龍脷葉, 清熱潤肺，加上粒粒蘆薈有咬口, 不太甜很好, 凍飲純雪凍唔會加冰溝淡.4餸1麵$56 ~ 清湯牛腩+瑞士雞翼+綠兒島魷魚+沙茶蜂巢豆腐+粗麵+清雞湯。冷食既餸是分開上的。湯底 ~ 既然主打第一次來先試原味雞湯, 一上枱店員話啲雞湯用瑤柱煲, 見匙羹上真有堆瑤柱蓉, is my飛弗。再呷啖雞湯, 沒有老火雞湯濃郁, 但帶有清甜肉味, 我差不多喝了整碗湯都不口渴, 証明無加師傅。突然還嗅到廚房傳出來濃濃雞湯味，真的真材實料. 讚!牛腩~ 老閭好老實話今天既來貨
今晚放工返教會上堂, 要食個quick dinner, 未試過主打雞湯既車仔麵, 星期日返教會經過這店但都未能幫襯, 因為少有的店鋪是逢星期日休息的, 原來老闆話星期一至六都做到零晨12點, 所以星期日點都要抖一抖. 很喜歡幫襯這類自家小店，老閭多是很親切招呼客人。
店裡很乾淨, 以木枱椅為主. 不似一般車仔麵店又逼又熱.
車仔麵餸款選擇多, 想經濟啲可叫SET好既套餐, 更可半價配飲品. 但我想食既餸同套餐不同, 唯有散叫. 除了一般腩汁, 還有可分開上既麻辣汁。
自家製涼茶特飲
18 瀏覽
0 讚好
0 留言
蜂蜜蘆薈清潤飲$14 ~ 欣賞他們自家製涼茶, 我這杯是羅漢果+龍脷葉, 清熱潤肺，加上粒粒蘆薈有咬口, 不太甜很好, 凍飲純雪凍唔會加冰溝淡.
4餸1麵$56 ~ 清湯牛腩+瑞士雞翼+綠兒島魷魚+沙茶蜂巢豆腐+粗麵+清雞湯。冷食既餸是分開上的。湯底 ~ 既然主打第一次來先試原味雞湯, 一上枱店員話啲雞湯用瑤柱煲, 見匙羹上真有堆瑤柱蓉, is my飛弗。再呷啖雞湯, 沒有老火雞湯濃郁, 但帶有清甜肉味, 我差不多喝了整碗湯都不口渴, 証明無加師傅。突然還嗅到廚房傳出來濃濃雞湯味，真的真材實料. 讚!
牛腩~ 老閭好老實話今天既來貨較瘦所以不夠"林"。但我覺得口感頗軟熟，瘦啲無咁肥膩。瑞士雞翼 ~ 2大隻，瑞士汁夠入味，頗嬾滑
綠兒島魷魚/沙茶蜂巢豆腐
22 瀏覽
0 讚好
0 留言
綠兒島魷魚 ~ 即wasabi沙律醬，粉紅色既魷魚驟眼以為是火腿絲，wasabi辣度調得剛好，魷魚也爽口，這份量一人食頗多, 怕超標
題外話/補充資料：
要讚老閭和嬸嬸店員很親切，有客人既車泊在門口，嬸嬸叫隔離店幫手睇水抄牌，叫客人放心食; 還提議客人坐個涼快座位; 客人弄跌餐牌，嬸嬸叫客人慢慢食佢來執。小店就是有這家的感覺。
(以上食評乃用戶個人意見 , 並不代表OpenRice之觀點。)
張貼
