影片
更多
2021-12-17
475 瀏覽
就黎又到聖誕節了，係時候搵下有咩好嘢食，上網見到呢間餐廳推出咗新嘅semi buffet lunch，望落都幾吸引，一如黎試下。Semi buffet包一款主菜，tapas、snacks及dessert都係任食，有別於一般semi buffet要自己出去拎嘢食，呢度每樣嘢都係即叫即整，夠晒熱辣辣。每個餐都有餐湯及西班牙水晶包，今日餐湯係南瓜忌廉湯，入口好creamy，有好重南瓜味，非常好飲；西班牙水晶包外脆內軟，口感幾特別。係等主菜嘅期間，當然要叫d tapas同snacks食下，值得一讚嘅係每一樣嘅份量都唔會好多，咁就可以試多幾款啦。巴馬火腿配哈蜜瓜 : 個人好喜歡巴馬火腿，配哈蜜瓜味道鹹鹹甜甜，非常好味。炸魷魚鬚及雞軟骨 : 兩樣都係即叫即炸，入口好香口，炸魷魚鬚配上蜜糖芥末醬，非常惹味，而雞軟骨灑上檸檬汁後，食落微酸非常開胃。白酒煮藍青口 + 香辣蒜香橄欖油大蝦 : 青口新鮮無沙，一碟有六至七隻，都算唔錯；大蝦入口爽口彈牙，味道微辣蒜香味十足。海鮮煎餅 + 炸雞翼 : 海鮮煎餅有魷魚、蟹柳等等，入口香濃海鮮味，食多幾件都唔厭。三文魚華都夫沙律 : 沙律菜好新鮮，伴上蘋果粒及合桃碎
Semi buffet包一款主菜，tapas、snacks及dessert都係任食，有別於一般semi buffet要自己出去拎嘢食，呢度每樣嘢都係即叫即整，夠晒熱辣辣。
每個餐都有餐湯及西班牙水晶包，今日餐湯係南瓜忌廉湯，入口好creamy，有好重南瓜味，非常好飲；西班牙水晶包外脆內軟，口感幾特別。
係等主菜嘅期間，當然要叫d tapas同snacks食下，值得一讚嘅係每一樣嘅份量都唔會好多，咁就可以試多幾款啦。
巴馬火腿配哈蜜瓜 :
個人好喜歡巴馬火腿，配哈蜜瓜味道鹹鹹甜甜，非常好味。
炸魷魚鬚及雞軟骨 :
兩樣都係即叫即炸，入口好香口，炸魷魚鬚配上蜜糖芥末醬，非常惹味，而雞軟骨灑上檸檬汁後，食落微酸非常開胃。
白酒煮藍青口 + 香辣蒜香橄欖油大蝦 :
青口新鮮無沙，一碟有六至七隻，都算唔錯；大蝦入口爽口彈牙，味道微辣蒜香味十足。
海鮮煎餅 + 炸雞翼 :
海鮮煎餅有魷魚、蟹柳等等，入口香濃海鮮味，食多幾件都唔厭。
三文魚華都夫沙律 :
沙律菜好新鮮，伴上蘋果粒及合桃碎，口感更豐富，煙三文魚為清新嘅沙律添上微微嘅鹹味，整體感覺更有層次。
澳洲草飼黑安格斯牛板腱 :
份量相當大件，食落有好多肉汁，牛味好濃，燒汁唔會掩蓋左牛扒味；伴碟有沙律菜及蕃薯蓉，食完牛扒後食，可以減低油膩感。
西班牙油條 :
最愛嘅甜品，鬆化嘅油條沾上砂糖，食落甜甜地，作為一餐嘅結尾就最適合不過。
張貼
