一黎到就有一大兜湯飲，我都唔知係乜湯，成兜湯都揾唔到D湯料，似係霸王花煲瘦肉之類，非常健康，最重要係不含味精，唔會飲完口渴
。
我最鍾意係食蝦，喜出望外有碟蝦仁炒蛋，蛋炒得好滑，仲加左D葱花，葱花使蛋味更突出
。蝦仁係新鮮蝦，鮮味十足
。可惜蝦份量不多。
1
咸魚蒸肉餅呢碟餸，好住家feel，好健康o既菜式，賣相好靚，咸魚D味滲左入D肉餅，味道唔會太咸，駛到D肉餅魚香味特濃。
仲有一碟煮冬瓜o既餸，不過我唔記得影相。
甜品係杏仁茶要自己另外加，6蚊一碗，最少一日前要訂，否則廚師唔會特別整。杏仁味濃濃，仲食到磨到細細粒o既杏仁，而且杏仁味好香濃，糖水唔算好甜，尚算可以接受
。
同事與舊同事都好鍾意係度開餐，又清靜，又便宜，食物又健康，下次再黎!
