放假先黎紅雨，唔通連個天都唔鍾意我😢 放假就冇得聽日再放過，但唔洗怕既，嚟位於旺角嘅 <Double Cafe> 避下雨，順便玩下board game食下野🥳
坐低打開餐牌，發現 5:30pm 前供應嘅下午茶只係大概$50-60，嘆個 tea 休閑吓真係好抵🤩 不過當日肚仔餓，我哋選擇叫晚餐醫肚👍
等緊嘢食時，貪玩嘅我哋已急不及待拎咗副未玩過嘅 board game 嚟研究😝
龍蝦湯 (套餐加配價 $28)
一向鐘愛食龍蝦嘅我哋，當然亦唔會放過飲龍蝦湯嘅機會🤤 <Double Cafe> 嘅龍蝦湯相當濃厚，好重龍蝦味，滿意👍
白酒忌廉煮藍青口 ($118)
Wow! 白酒味係預期之外嘅香濃，每一滴忌廉汁散發濃濃酒香🤗 青口肉軟滑非常，係一味好可口嘅小食😋
軟殼蟹黑松露意大利粉 ($148)
軟殼蟹、黑松露，都係風味好獨特嘅食材。喜愛軟殼蟹、黑松露嘅人，冇可能唔試🤤
黑松露忌廉汁香噴噴，拌彈牙意粉簡直冇得彈🫶🏻
熱辣辣軟殼蟹啖啖肉，仲要有鮮甜蟹膏😍
牛角窩夫拌雪糕 (套餐加配價 $42)
上碟賣相好靚，啱晒打卡😙 窩夫食落比想像中酥脆，仲有幾分空氣感😚 叫得「牛角」窩夫，果然有牛角包嘅質感😆 窩夫配搭雪糕同埋甜度唔高嘅朱古力醬，夠晒精緻☺️
熱生薑蜜 (套餐轉飲價 +$2)
聽中醫師話盡量少飲凍飲，多食薑🧐 熱生薑蜜以新鮮生薑製成，磨成薑粉，薑味夠晒辣。🌶️ 連薑絲奉上，原汁原味，真材實料，養生之餘飲落喉嚨好舒服❤️ 如果揀凍飲，想像到一定好清新冰爽，炎炎夏日飲就最正😇
有美食，有 board game玩，仲有舒適嘅環境（大愛梳化位💝），就算出面落大雨，有 <Double Cafe> 呢個好去處，又有乜好怕喎😉
📌Double Café (旺角)
📍彌敦道577號高氏大樓4樓
