淨叫要$38，下午茶餐有埋嘢飲先$30，我唔會同啲錢過唔去嘅。兩片正常厚度嘅多士（室溫，脆身），內裡塗上不少咖央醬（偏甜，微酸），加兩塊厚切鮮牛油，一開二兩件，夠哂邪惡。
招牌海南雞飯（$65）
跟餐奉送冬瓜湯，加咗$10轉輕怡排骨茶。湯底好重胡椒味，少辣，無乜藥材味；有兩舊排骨，肉質紮實，唔會好嚡；有兩件豆卜，索哂湯汁。
海南雞份量適中，雞皮爽口，無咩肥膏，雞肉尚算嫩滑。有齊三色醬，黑醬油帶甜杰身味濃、紅醬酸辣、薑蓉普通。
油飯，要咗多飯（但都唔算好大碗），乾身，有油香味，味道不錯。
地道白咖哩魚餅扎肉老鼠粉（$58）
白咖喱湯底唔太辣，夾雜香茅味，味道唔算太濃厚，不過不失。老鼠粉份量適中，長度合適，唔會一夾就斷，幾有咬口。配菜有魚餅（兩塊，少辣）、扎肉（三片）、豆卜（兩件）、芽菜、通菜。
開心果椰子奶昔（+$12），飲唔到開心果味，椰奶就好濃，重有少少椰絲。
凍生椰拿鐵（+$3），帶椰奶味嘅咖啡。
熱鮮檸檬薏米（+$0），除咗薏米，仲有兩片糖冬瓜。
2
