Chatterbox Café (K11 Musea)

Chatterbox Cafe K11分店真係一個好適合下午茶嘅地方，座位舒適，設計風格簡約而有質感，用色清新，牆上仲掛咗啲藝術畫作，感覺好文青。

佢嘅雞肉喇沙下午茶餐幾唔錯。
喇沙湯底夠香濃，椰奶味同香料配搭得好平衡，唔會過辣或過膩，帶住微微甜味同香氣。雞肉份量十足，雞肉嫩滑。米線吸晒湯汁。

涼粉豆漿，涼粉口感滑溜，豆漿嘅質感細膩，帶有淡淡嘅豆香味，入口順滑，又冰涼清新，配埋佢哋自家製嘅豆漿，豆香濃郁但唔過甜，冰涼解渴，尤其係夏天飲更加舒服。