更多
2017-07-17
261 瀏覽
同朋友一齊夾左4人同行的groupon黎試試一會一鍋成日以為團購冇好野，呢間完全係一個例外。以食物質素黎講，其實根本唔需要做團購。只不過因為地點問題，先需要用團購黎吸引人同增加人流。入到去間舖係Open area咁樣，座位好鬆動。地點關係，呢間店人流好少，聽朋友講筲箕灣就好爆。Groupon食嘅係星級精選鍋，湯底有3款揀: 蕃茄、南瓜同麻辣，肉都有3款揀: 安格斯牛、黑豚肉同羊。我地3款湯底都有叫到，肉就淨係叫左牛同豬。配一杯青檸梳打，米線或白飯一碗。鍋入面有蔬菜、有好多款丸、有你揀左嘅肉。蕃茄湯味濃，清清地但又唔會淡咪，健康之選。南瓜湯有奶味，寫蔬菜同肉真係好夾。麻辣真係好香，開頭第一啖未係好辣，但越食越又麻又辣，感覺係偏台式嘅麻辣 安格斯牛肉質靚，本人平時比較細食，所以份量剛剛好。朋友們平時邊爐都係食肉哭，就覺得肉量少左點。值得一提嘅係佢調味料入面的麻辣醬 係台式嗰種好麻好辣嘅味道！我同我好食得辣嘅朋友都係勁鐘意 食一個鍋我地都添左好多次麻辣醬！最後淥完個米線，用一大匙的麻辣醬黎撈，好好食啊 青檸梳打都調得好好飲，微微有埋香茅陣味，比街外得青檸加梳打來得有層次。整體好好食，如果
成日以為團購冇好野，呢間完全係一個例外。以食物質素黎講，其實根本唔需要做團購。只不過因為地點問題，先需要用團購黎吸引人同增加人流。
入到去間舖係Open area咁樣，座位好鬆動。地點關係，呢間店人流好少，聽朋友講筲箕灣就好爆。
Groupon食嘅係星級精選鍋，湯底有3款揀: 蕃茄、南瓜同麻辣，肉都有3款揀: 安格斯牛、黑豚肉同羊。我地3款湯底都有叫到，肉就淨係叫左牛同豬。配一杯青檸梳打，米線或白飯一碗。
鍋入面有蔬菜、有好多款丸、有你揀左嘅肉。蕃茄湯味濃，清清地但又唔會淡咪，健康之選。南瓜湯有奶味，寫蔬菜同肉真係好夾。麻辣真係好香，開頭第一啖未係好辣，但越食越又麻又辣，感覺係偏台式嘅麻辣
安格斯牛肉質靚，本人平時比較細食，所以份量剛剛好。朋友們平時邊爐都係食肉哭，就覺得肉量少左點。
值得一提嘅係佢調味料入面的麻辣醬 係台式嗰種好麻好辣嘅味道！我同我好食得辣嘅朋友都係勁鐘意 食一個鍋我地都添左好多次麻辣醬！最後淥完個米線，用一大匙的麻辣醬黎撈，好好食啊
青檸梳打都調得好好飲，微微有埋香茅陣味，比街外得青檸加梳打來得有層次。
整體好好食，如果開喺九龍或者新界區就好啦，我一定會成日幫襯 可惜2間分店都喺港島區，唔係買Groupon我真係未必會過海黎食 因為2個地方對新界人黎講都太隔涉了。
張貼
