放工想喺附近搵好嘢食，發現上環都有樓上Cafe🍝
仲要喺地鐵站隔離‼️一於試吓佢
📌晚餐都係百零蚊 包埋是日餐湯＋田園沙律配嘢飲
餐湯同埋沙律都幾好食😋冇Hea 特別係個沙律好新鮮
🍝卡邦尼手工寬條意粉
好少有手工闊條意粉 仲要芝士味好濃🧀唔係普通芝士粉
一片片嘅芝士但係又食落唔膩 一啖接一啖食唔停🤣
🥔法式燒春雞配香草牛油薯仔
燒春雞嚟講呢個有幾嫩滑 份量都幾多 好香香草味❤️
一邊切嘅時候啲雞汁都會唧出嚟😍 推介推介
🍰甜品試咗佢嘅自家製焦糖燉蛋 同埋開心果雪糕
兩款都係+20幾蚊就試到
燉蛋冇咁甜 感覺幾健康❤️🔥 開心果雪糕大推‼️一粒粒開心果味道濃
