我愛慢煮 (普慶坊) (已結業)

熱到中暑既天氣係屋企煮野食既動力都冇🥵所以決定出街食好耐冇食既西餐！今次係第一次食我愛慢煮既Lunch😋發現同Dinner餐牌好似都係差唔多 最後同朋友嗌左主菜：細既安格斯西冷牛扒 油封鴨髀小食：蘆筍苗 公司薯仔沙律（蜜糖芥末醬）野飲：經典檸檬梳打 血橙梳打牛扒同埋油封鴨髀啲肉質都唔會乾身 牛扒切開仲會有少少紅色 唔會係全熟好韌既感覺！而油封鴨髀比我想像中好 之前外國食既都好油 但今次肉質Keep到滑得黎唔會好油 係意想唔到既質素而小食嗌左好似比較冷門既蘆筍苗同薯仔沙律 蘆筍苗除左味道鹹左少少 都幾好味🤭而薯仔沙律 對於一個覺得加左蜜糖芥末醬咩都好味既人黎講 絕對係超好味☺️野飲我地嗌得比較清新少少 驚食完油封髀會太膩😂係咁熱既天氣飲水果味梳打 完全係解暑之選！