蘭度小籠包 (已結業)

灣仔做完野 周圍搵食 見到新開無耐既上海菜 我地都幾鍾意食上海野 多選擇 咩都有得食🤣🥰正呀🥢雪菜肉絲炒年糕哩碟年糕夠晒煙韌 最鍾意食年糕無糧係中式定韓式❤️大愛雪菜肉絲份量適中 雪菜鹹鹹地配年糕岩岩好🥢小籠包食親上海野都會叫既一道菜湯汁鮮甜 一咬落去d汁留晒出黎小籠包夾既時候要非常小心 夾爛左就好sad🥢牛肉煎餅比我想像中細件 但外皮煎得脆牛肉汁適中 牛味濃 食既時候要小心入面既湯汁好熱🥢紅燒獅子球一路都未食過 今日想試下 紅燒汁味道適中 唔會好鹹 豬肉入面我以爲會有好多肥膏 點知有驚喜 朋友話出面好多都用好多肥膏搭救包你話好食 但哩到肉質okay 岩晒我地口味🥢豆漿我地超鍾意飲豆漿 哩到既豆漿唔算太甜 飲到豆味👍🏻