正宗上海生煎皇 (已結業)

小籠包味道同湯汁可媲美d收費高既上海餐廳，但當然包出黎個樣同薑絲既粗絲度就符合佢價錢既.生煎包有d失望，可能唔係剛煎好拎出黎定點，定可能食慣祥興記，外皮堅脆，皮薄多汁到浸過半，湯汁熱辣辣，加埋個豆瓣醬真係暫時無人能及.紅油抄手ok ge,幾鐘意佢個好麻但又唔太辣既汁，如果再減少少鹹味更好，同埋好足料好大粒.擔擔麵都ok ge,又有種麻但唔太辣feel,但都係略鹹左少少.糖醋排骨菜飯個味都係酸甜適中，但又係可惜左一樣野，打個芡汁多豆粉得濟，其實可以唔打芡令d汁自然煮至杰身，同埋菜飯既菜都係明白大分量製作無法子令d菜唔變黃變軟.