一起食堂 (威利廣場)

營業中

休息中

之前試過中環一起食堂嘅醉雞麵覺得好唔錯，係觀塘返工之後發現原來呢頭都有一間，打算再試下其他菜式。呢日中午點咗冬季限定嘅三杯雞飯，點知大失所望。成個餐份量正常，最大敗筆係調味。雞肉只有鹹味，麻油米酒嘅味道全無，連九層塔都係放係雞肉上面點綴用，雞肉完全無半點香味。成餐唯有不停飲水，撈埋白飯食完咗。而白飯亦都偏軟爛，無咩口感。觀塘分店比較大，坐嘅位置比較多比較闊落，午飯時間都幾多人嘈吵，上餐算幾快，人手夠，服務都唔錯。總括來說都會再比機會佢嘅，希望下次試吓其他菜式唔會伏啦。