元気寿司 (信德中心)

我經常去食元氣，今日行過上環信德中心嘅元氣，見無人排隊就走入去食 lunch. 原本食物都無咩特別，但個三文魚壽司竟然有骨! 我無諗過壽司會有骨，一啖放咗入口，點知比D骨“吉”到我個口入面好痛，我成件壽司吐番出來 (太肉酸無影相)！ 入面起碼有2條骨，因為吐出來之後我見到最小一條長一條短嘅骨喺塊魚度。唔知係吉損咗個口定件三文魚有問題，之後我個口覺得好腥，無哂胃口。

我同經理講，話壽司有骨，佢好似無咩嘢咁，只係細細聲望都唔望我咁話會提醒廚房小心D! 我唔係要賠償，但連道歉都無，咁都得？？

有骨嘅三文魚壽司