3
0
2
等級4
104
1
2020-08-08 655 瀏覽
睇嚟大窩口都幾難走出呢個美食沙漠見到呢區終於有間黃嘅文青cafe就試吓門口幾企理,似普通cafe咁休閒feel室內亦以白色為主,裝飾似足文青咖啡店可惜廚房內部見到幾昏暗,有幾分殘舊附近雖然無啖好食,但隔離又私樓又村屋,都不愁無生意啦食物味道係問題之一,真係有待改進但最大問題係出餐速度慢,根本做唔切,大部份客人都係坐著乾等門口等外賣嘅客人話過咗30mins都未有出餐1. 蛋包飯無蛋日式咖喱手打漢堡扒蛋包飯 $58 本來諗蛋包飯應該幾穩陣,點知蛋包飯竟然無蛋?店員落單後15至30mins前嚟道歉表示無蛋食材售罄嘅情況本來都好平常,通常會更換其他食物/取消order但店員指已經截單,唔可以換其他食物,只能將蛋改為罐頭午餐肉其實可以取消order,做法等同政府逼大家揀接受定離開,只能二揀一但等待太耐真心肚餓,附近亦無其他餐廳揀,唯有硬食味道呢?手打漢堡扒肉質可接受,略厚實,尚算軟腍不過咖哩汁絕對唔似咖哩汁,入口超鹹,咖哩味欠奉基本難以繼續食落去,感覺似人流多唔夠分,咖哩磚落得唔夠,似溝水再溝調味料白飯偏乾,加上冷氣太低,冷氣直接吹向食物,不消半分鐘,白飯通通變涼2. All Day Break
更多
睇嚟大窩口都幾難走出呢個美食沙漠見到呢區終於有間黃嘅文青cafe就試吓
門口幾企理,似普通cafe咁休閒feel
室內亦以白色為主,裝飾似足文青咖啡店
可惜廚房內部見到幾昏暗,有幾分殘舊
附近雖然無啖好食,但隔離又私樓又村屋,都不愁無生意啦
食物味道係問題之一,真係有待改進
但最大問題係出餐速度慢,根本做唔切,大部份客人都係坐著乾等
門口等外賣嘅客人話過咗30mins都未有出餐
6 瀏覽
0 讚好
0 留言

1. 蛋包飯無蛋

日式咖喱手打漢堡扒蛋包飯 $58 
本來諗蛋包飯應該幾穩陣,點知蛋包飯竟然無蛋?
店員落單後15至30mins前嚟道歉表示無蛋
食材售罄嘅情況本來都好平常,通常會更換其他食物/取消order
但店員指已經截單,唔可以換其他食物,只能將蛋改為罐頭午餐肉
其實可以取消order,做法等同政府逼大家揀接受定離開,只能二揀一
但等待太耐真心肚餓,附近亦無其他餐廳揀,唯有硬食
味道呢?手打漢堡扒肉質可接受,略厚實,尚算軟腍
不過咖哩汁絕對唔似咖哩汁,入口超鹹,咖哩味欠奉
基本難以繼續食落去,感覺似人流多唔夠分,咖哩磚落得唔夠,似溝水再溝調味料
白飯偏乾,加上冷氣太低,冷氣直接吹向食物,不消半分鐘,白飯通通變涼
日式咖喱手打漢堡扒蛋包飯
$56
9 瀏覽
0 讚好
0 留言

2. All Day Breakfast用廚師

另一道諗住穩陣嘅All Day Breakfast 雪山英式全日早餐 $60
最大優點係對比其他咖啡店算平價,份量本身唔算多
本來包含炒滑蛋、香脆煙肉、挪威煙三文魚、黃金炸薯餅、茄汁焗豆、小牛角酥、沙律菜
同樣因雞蛋缺貨而未能供應炒滑蛋,另茄汁焗豆亦缺貨
店員稱會以蕃茄取代茄汁焗豆,並以腸仔取代炒滑蛋
隔離夫婦亦叫咗All Day Breakfast,等候時間更長
女士直言無蛋就唔係All Day Breakfast,然後直接取消order
欠缺食材下嘅All Day Breakfast,的確失色不少
但人流眾多導致食材極速用畢,呢個理由係可以接受
不過味道方面的確難以接受,茄汁豆換大蕃茄一片都算合理
只係無諗過會以廚師腸取代炒滑蛋
本來以為係德國腸等相近級數腸仔,廚師腸既乾又巢皮
黃店拯救隊曾經表示All Day Breakfast用廚師腸絕對要加入拯救行列
其他材料都可以接受,牛角包幾鬆軟,只係欠缺酥脆感
薯餅亦香脆,但油份未印乾,入口好重油味
而沙律菜就新鮮爽脆,淋上少量油醋幾開胃
8 瀏覽
0 讚好
0 留言
雪山英式全日早餐
$60
5 瀏覽
0 讚好
0 留言

3. 飲品入面係果Jam

抺茶鮮奶 +$8 係比較穩陣嘅嘢飲,只係加入抺茶粉同鮮奶
有抺茶味,但未夠香濃,鮮奶比較重水嫩感,反而奶味較輕
雪山主題意思大概係飲品頂頭擠滿忌廉,營造雪山感覺
而本店最中伏嘅飲品絕對係粒粒草莓鮮奶特飲 +$8
從來無諗過一杯飲品會用果醬嚟炮製!
粒粒士多啤梨意思即係果Jam入面嘅軟爛士多啤梨
唔通特飲意思就係特別嘅飲品?
今次呢杯特飲的確令人眼界大開,胃口盡收
8 瀏覽
0 讚好
0 留言

粒粒草莓鮮奶特飲(前)抹茶鮮奶(後)
$34
8 瀏覽
0 讚好
0 留言
題外話/補充資料: 一間食店,尤其係小型無管理系統之食店,臨時欠缺食材導致客人需要更換其他食材,的確係經常發生,但發生後點處理就係留住客人嘅因素之一。可以好似大部份店舖咁以更優質食材填補自己嘅缺失,又或者奉送其他美食,甚至提供折扣,雖然用金錢解決問題係一個方法,但相信香港人更在乎食店本身食物質素、解決問題時是否尊重顧客。今次該店做咗一個最錯誤嘅示範,以比原材料更差劣兼唔配合主體嘅食材俾客人,拒絕更換食品之餘,亦藉詞推說已截單無得更改,情況令人覺得係交行貨,抱得過且過嘅心態對待客人。當然,一間食店喺面對問題時,廚師嘅轉數同廚藝功力都好重要,該店似乎力有不逮,只係附近全無其他食肆,以獨市經營姿態贏晒。附近既有村屋居民,亦有私樓住客,完全不愁生意多寡、客人多少,不思進取亦能理解。唔想分化,但我哋支持良心店,良心店都要好食先得㗎!
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2020-06-27
等候時間
45 分鐘 (堂食)
人均消費
$68