東京築地拉麵 (已結業)

成日都會見到築地拉麵大排長龍..原來係因為9:30pm之後會有半價!呢日就同家姐係屯門食個LATE DINNER..落車之後見到呢度又係半價..咪試下囉!叫左兩碗黑油叉燒拉麵..小食叫左餃子同炸蝦!對比其他食過既黑蒜油..拉麵湯底味道略為唔夠濃..但溏心蛋唔錯!叉燒好好味可以比得上$80-$90 拉麵既水準..而餃子同炸蝦都相當不錯..不過我最鐘意都係佢既炸蝦..脆但係唔算特別油!兩個人呢餐都係$100左右..好抵食!如果下次再同家姐LATE DINNER或者食野都會揀番呢間!