更多
2018-10-26
830 瀏覽
話說小弟上星期中午因為路經中環一樂燒鵝，就好奇咁入去試吓，因為未去之前已經聽到好多負評，話服務態度非常之咁（好），所以就想入去見識吓，當真果然聞名不如親身經歷，一入到去，可能見我喺本地人而唔係外國遊客，就有一個類似老闆娘的物體好大聲咁呼喝我問我幾位，我話一位，跟住就叫我坐喺一張非常之細的枱，仲要係搭枱，都算，我一坐低就叫咗一碟價值68元的叉雞飯，仲要冇飲品，我落單時好有禮貌咁問可唔可以多飯，點知個待應亞姐好冇禮貌咁答我話冇得多飯，要多飯不如叫兩碟，我即刻心想唔係嘛，兩碟咪要136蚊😤我當然冇咁做，唯有靜觀其變先，點知碟飯一嚟到，我仲以為食兒童餐，D飯小得可憐，D叉燒又乾又瘦，D雞全部都係D頸同尾部位，我身為一個大男人，得小小飯根本唔飽，跟住就加咗一碗白飯，大家估吓呢碗白飯價值幾多錢，係20大元😰，去全香港最高級飯店叫碗白飯都唔使20蚊啩，呢D舖頭我去一次就夠，想我再幫襯好難了，食到一半，我發覺閒舖原來冇開冷氣，食到我滿頭大汗，咁我就問個女待應俾一張紙巾抹汗得唔得，仲女待應話冇紙巾供應，要就8蚊買一包，講到呢度，奉勸大家如果幫襯一樂之前要三思，服務態度超差，食物質數又差，食完只會一肚火😨
張貼