李康記海鮮酒家

營業中

休息中

老公生日，同佢去澳門行下輕鬆下啦!咁夜晚果餐我就BOOK左呢間我自己食過好多次既飯店，因為BOOK枱關係，加上平日，所以可以坐到卡位唔駛等。如果係週末就最好訂枱啦。果晚伙記話燒肉啱啱出，好正，咁我地就叫碟例牌試下，果然皮脆肉嫩，口感一流。跟住叫左碟蝦子扒柚皮，呢個老爺餸係香港已經好少見，味道都好OK喎。再黎半隻鹽焗雞，好有雞味，唔錯。最後黎個蒜蓉炒豆苗，炒得夠獲氣，正。埋單一的都唔貴，價錢係香港既七/八成左右咋，抵食夾大件。