茶木‧台式休閒餐廳 (已結業)

一位友人由海外回港放假，她好想試試雪糕厚多士，於是大家相約在Teawood用餐。餐廳裝修以白色為主，地方唔算太逼，營造一個適合三五知已相聚的環境，待應生服務及對客人的回應都算快，也可能餐廳本來不忙吧，點了一客大蝦沙津，一客三杯雞，一碟松茸忌廉意粉，一碗台灣牛肉麵，最後當然是出名的厚多士為結尾。沙律本來唔會有驚喜，因為只要沙律菜新鮮，加上稍為改良了的沙律醬，唔會太難入口。反而隻大蝦唔太新鮮 (我諗係成本問題，點可能用鮮蝦呀!)。台灣牛肉麵唔錯，我指的唔錯是唔會太難食，唔會發水而一夾就斷。松茸忌廉意粉: 份量小如一道法國菜的份量再多少許，而且我個人唔太喜歡食又甜又多忌廉意粉，食了一口唔再碰。至於我最期待的三杯雞終於出現，用一個白色碗盛載著，但一食之後就知道中伏，雞件好像炸過後再放到醬料炆。食起來令雞香口點，但雞件本身多骨少肉，炸的時間又可能長了一點，令到僅有的肉塊炸過後十分乾，最大問題是醬汁，淡如油水。昔日台灣妹煮給我食的地道三杯雞是醬味重，酒味香，食後口裏有陣羅勒葉味道慢慢揮發，而這一道菜如果唔講好難想像是三杯雞。最後就是朱古力密糖吐司，其實唔錯，雪糕溶在麵包上被麵包吸收，而這個算是份量