影片
更多
2007-05-11
34 瀏覽
位置比較難搵, 因為晌d唔係咁出名既大街, 所以真係要睇左地圖先搵到.昨晚去, 大門外面裝修工程, 有天拿水味, 入到去格局似舊式茶樓, 但地方都ok好坐.講到招呼就完全唔掂, 人手唔夠, 叫極都只係點下頭, 明係知你要人, 但就永遠無人理你.叫人寫菜叫左好耐, d女人就係都唔幫我地落單, 叫佢地就望下個男部長, 我地以為淨係個男既先可以落單啦, 個男既就成日走去睇d大檯客, 唔理我地, 點知叫多陣, 之前應左我地又唔肯落單個個女人又走返黎同我地寫單, 都唔知算點, 係可以寫單就早寫啦, 累我地起碼等左10分鐘.食野味道真係唔差, 極品魚皮都係第一次食, 好特別, 唔係炸既, 似係水灼加味, 好爽口.天麻魚頭湯要訂先有, 好彩訂左, 招牌野, 好味.污糟雞, 味精重左d, 但ok好食.海參煲, 個煲大大, 料就少少, 味道唔差但唔夠份量.最想食既雙皮奶, 雖然訂檯時叫左留, 但佢地話呢輪都無奶返, 所以無得食.值得試試, 為食野而食野, 唔好期望會有任何滿意既服務.
昨晚去, 大門外面裝修工程, 有天拿水味, 入到去格局似舊式茶樓, 但地方都ok好坐.
講到招呼就完全唔掂, 人手唔夠, 叫極都只係點下頭, 明係知你要人, 但就永遠無人理你.
叫人寫菜叫左好耐, d女人就係都唔幫我地落單, 叫佢地就望下個男部長, 我地以為淨係個男既先可以落單啦, 個男既就成日走去睇d大檯客, 唔理我地, 點知叫多陣, 之前應左我地又唔肯落單個個女人又走返黎同我地寫單, 都唔知算點, 係可以寫單就早寫啦, 累我地起碼等左10分鐘.
食野味道真係唔差, 極品魚皮都係第一次食, 好特別, 唔係炸既, 似係水灼加味, 好爽口.
天麻魚頭湯要訂先有, 好彩訂左, 招牌野, 好味.
污糟雞, 味精重左d, 但ok好食.
海參煲, 個煲大大, 料就少少, 味道唔差但唔夠份量.
最想食既雙皮奶, 雖然訂檯時叫左留, 但佢地話呢輪都無奶返, 所以無得食.
值得試試, 為食野而食野, 唔好期望會有任何滿意既服務.
張貼