更多
2020-06-22
2945 瀏覽
最近又玩返菲林機，影左成日就會拎啲菲林落尖沙咀沖曬嘅。見肚仔餓就順便係附近食野啦，搵到有間日本餐廳。入到間餐廳都幾滿人，每張枱都有距離同會用返間隔隔住，令到呢個時候食都會食得相對安心啲。間店都好細心，例如櫈底會有個籃比你擺袋，真係幾好。叫餐方面，呢度比較特別，要用手機掃一掃二維碼，再入去個電子餐牌度點餐。聽到呢度你可能覺得會唔會太麻煩，但咁樣嘅叫餐方式其實有樣野好，就係你可以睇到每個菜式嘅預覧圖，同埋唔驚嗌漏左，有得睇返紀錄，而且落左order唔使等好耐就有得食。刺身黎講，呢間真係比到係日本食嘅感覺你，你會食得出啲刺身唔似出面吉吉島個種，例如啲油甘魚你會食到油脂香，厚切嘅方式食落會覺得好滿足，點講都好，食材新鮮已經攞哂分。鮑魚壽司個隻鮑魚真係鮮甜爽口，重點係唔會硬，真係好易食。呢個三色飯我都係見好多枱都有嗌我先試下嗌，個三色飯都幾有驚喜，例如個蟹膏蟹肉飯，啲蟹膏多到就黎跌咁濟，啲蟹肉拆得好細緻，令你可以食呢碗飯就等於食左成隻蟹，唔使自己拆肉先係至高享受，而且個價位又唔算太貴，性價比算高嘅選擇。吞拿魚海膽飯呢個配搭真係好正，因為我呢兩木樣都鍾意食，可以見到係一半海膽，一半吞拿魚，個份量真
入到間餐廳都幾滿人，每張枱都有距離同會用返間隔隔住，令到呢個時候食都會食得相對安心啲。間店都好細心，例如櫈底會有個籃比你擺袋，真係幾好。叫餐方面，呢度比較特別，要用手機掃一掃二維碼，再入去個電子餐牌度點餐。聽到呢度你可能覺得會唔會太麻煩，但咁樣嘅叫餐方式其實有樣野好，就係你可以睇到每個菜式嘅預覧圖，同埋唔驚嗌漏左，有得睇返紀錄，而且落左order唔使等好耐就有得食。
刺身黎講，呢間真係比到係日本食嘅感覺你，你會食得出啲刺身唔似出面吉吉島個種，例如啲油甘魚你會食到油脂香，厚切嘅方式食落會覺得好滿足，點講都好，食材新鮮已經攞哂分。
鮑魚壽司個隻鮑魚真係鮮甜爽口，重點係唔會硬，真係好易食。
呢個三色飯我都係見好多枱都有嗌我先試下嗌，個三色飯都幾有驚喜，例如個蟹膏蟹肉飯，啲蟹膏多到就黎跌咁濟，啲蟹肉拆得好細緻，令你可以食呢碗飯就等於食左成隻蟹，唔使自己拆肉先係至高享受，而且個價位又唔算太貴，性價比算高嘅選擇。
吞拿魚海膽飯呢個配搭真係好正，因為我呢兩木樣都鍾意食，可以見到係一半海膽，一半吞拿魚，個份量真係對得起個價錢，所謂一分錢一分貨，再加上呢種質素都唔係香港好多地方可以食到。
呢隻海膽蒸蛋都幾好食，無諗到加埋啲海膽同埋啲蛋一齊食，個香味好似提升左。
食雪糕做結尾真係好完美，雪糕好食，食材新鮮，真係好得。
張貼
