四季文昌 (已結業)

男朋友提早帶我去食聖誕大餐未到餐廳先擺左個烏龍，四季文昌係金巴利中心佢就帶左我行過左去金巴利廣場好彩只係十多步既距離係凍凍地既天氣，打邊爐係我既always choice估唔到冬日套餐都有邊爐食入到餐廳，環境同平時d bar n grill差唔多仲有個蠔bar，係新潮有feel既邊爐店。海南沙薑脆豬手呢款開胃菜正中我心意，口感爽脆，沙薑味岩岩好，唔會太搶戲，因為男朋友唔食豬手，我一舊接一舊，五分鐘就比我清曬了。好味好味！聖誕三文魚刺身刺身夠新鮮，而且又肥美，正！原味椰子文昌雞其實一開始經理就介紹一鍋兩湯頭一個湯就係椰子湯和文昌雞原本仲同男朋友研究緊個沙漏有咩用經理將雞件放落去之後就反轉個沙漏表示沙漏代表七分鐘，夠鐘就食得七分鐘過去，一黎就試下佢個湯真係值得一讚，椰子既香味勁吸引湯底吸收曬所有精華，令到個湯好鮮甜一飲再飲，d椰子亦好爽甜至於隻雞，我本身覺得打邊爐既雞好易老但係呢度有人提醒，係最好既時間享受最鮮味肉嫩既雞肉果然係鎮店之寶昆布鏗魚湯配黑毛和牛牛肩肉食完d雞件，待應就將第二個湯昆布鏗魚湯倒落去兩隻湯異常地夾昆布鏗魚湯既甜味令到椰子湯既層次豐富左good good！山形A5和牛肉