霸嗎拉麵

一入去，嘩，落雨咩，個冷氣倒水咁樣倒，地下放左幾個水盤接水，個地下彈到成地都係水，我地揀左一個水彈唔到比較遠少少既位置坐。見到好多枱唔夠人手根本執枱都執唔切，啲員工拎住啲水呀、炸雞呀係漏水位下面行，啲冷氣水好污糟架，其實點解唔係側邊行呢？真係好唔衛生，大佬，你咁搞法不如整好先開舖啦，我見到有幾個客都話入左黎中伏，有啲又好淡定照食冇乜反應。好彩我碗麵佢冇係漏水位下面行過拎俾我，唔係我實退貨走人。


濃厚豬骨豚肉玉子拉麵🍜係幾好食既

枱都濕哂，放布都冇用

天花啲竹都濕哂

員工係漏水位下面拎住食物走黎走去