餐牌簡單，有湯麵，飯，小食，飲品，同甜品，選擇都唔少。
紅燒三寶牛肉麵 $88
紅燒三寶牛肉麵大大碗，三寶分別係牛腩，牛腱同牛丸各2件，牛腩炆得超稔又重牛味，牛腱好稔，牛丸又多汁又彈牙，三寶都好正。其他配料有小棠菜兩棵，白蘿蔔兩大舊，少少蔥花同鹹酸菜。麵條好滑而有嚼勁，少見喎。個紅燒湯好冶味，帶少少辣，好似有層辣油喺面。
紅燒牛肉麵 $78
紅燒牛肉麵基本上同紅燒三寶牛肉麵一樣，除左牛三寶變左4舊牛腩，同埋多左紅蘿蔔。質素一樣咁正，不過個湯冇咁辣。
滷牛腱 $38
滷牛腱一客五件，滷得好入味，質感又嫩口又重骨膠原，好正。上面灑上少少蔥花。
酥炸地瓜條 $38
酥炸地瓜條份量好多，炸得好酥脆而入面好稔，啖啖地瓜，甜甜哋好味道。
芋圓仙草凍 $35
芋圓仙草凍賣相顏色吸引，仙草好滑，帶微微草藥味。芋圓有紫黃白3色，質感幾煙韌。仲配有紅豆蓉同花奶，甜度適中，好食又抵食。
焦糖牛奶布甸 $12
焦糖牛奶布甸係獨立包裝。
雖然冇收加一，但係服務員態度非常好。今餐所有野食都好正，價錢又平，絕對抵食。
