麵皇自家麵

營業中

休息中

呢度啲牛肉餅好似好好食，今次終於試吓。叫咗個雞肉麵唔辣同牛肉餅。啲麵可以揀粗幼，一於食平時少見的中粗麵。碗麵有菇又有菜，都幾健康。最緊要係個麵，又爽又彈牙，粗幼適中👍👍，唔會gel住個口，超好食😋。雞肉都ok。牛肉餅啲牛肉估唔到係有啲鹹牛肉嘅味，好似食緊平時hea食嘅三文治咁😔，我覺得麻麻啦。不過，個餅都整得唔錯，唔會太厚，淨係有少少覺得食緊乾酥餅淡口嘅感覺，都算係有工夫嘅。食食吓，唔知係咪因為人少，士應响度拖地。一度食一度聞到檸檬拖地水嘅味，真係有啲影響食嘢嘅心情😥。不過，都要補充一下，雖然佢哋啲食具係放响桌嘅櫃桶裏面，但係望落去啲食具都好乾淨，總算加翻啲分。