小確幸

營業中

休息中

阿妹今日去咗元朗，買咗個布丁燒返嚟請我食。佢話呢間小確幸近排好出名，唔使錢我緊係要試一試。佢買呢個係四葉草芝士布丁燒。個面烙印左佢哋嘅logo，係幾花心思。調轉倒咗出嚟之後，見到個面係苦苦甜甜嘅焦糖，中間係布丁，最底係芝士蛋糕。其實以普通甜品店來講，都算整得唔錯，可以講係好過酒店自助餐食嘅焦糖布丁。我覺得面既焦糖苦甜既味道剛剛好，中間嘅布丁都幾滑，而最底嘅芝士蛋糕都食到芝士味。不過呢個布丁要$38，雖然香港人工鋪租貴，但我諗我只會食一次。因為比起日本超市買嘅布丁，我覺得都係爭小小。我喺日本買嘅極布丁,只係100 Yen，所以俾我揀嘅話，都係會食返日本嘅極布丁。不過如果未試過嘅話，我覺得呢個布丁都值得試一試。