影片
更多
2018-05-05
91 瀏覽
之前都嚟過依家食過一次，因為食過返尋味今次再嚟試一試廚師嘅推介。 門面又大又 靚嘅福丸水產，佈置得相當漂亮雅觀，未入去已經有好喜悅嘅心情。 今次叫嘅omakase set 有甜菜五點。首先見到嗰隻蟹仔好特別，食落去好脆，好似食緊薯片咁。 個青瓜啫喱口感好清新好特別。南瓜好軟熟好甜。 刺身有牡丹蝦,吞拿魚醬油漬,赤貝同埋螢光魷魚。牡丹蝦好彈牙新鮮，啖啖鮮味，亦有蝦膏。吞拿魚醬油漬入口軟淋，醬油漬味道濃，赤貝好爽口彈牙。 壽司分別係活北寄貝，蝦蛄 同碎蔥吞拿魚手卷， 手卷味道好好，吞拿魚須入口即溶，而活北寄貝亦鮮甜美味。 a4和牛薄燒。先講配料,大菇做得好香兼多汁， 露筍 卜卜脆。主菜a4和牛薄燒，內裏包裹著 蒜片一齊食， 增加口感味道，而a4和牛入口 即溶，牛肉嘅脂肪味道喺口入面充斥著，非常美味。 毛蟹茄子豬肉，係我最喜歡既一道菜。毛蟹肉非常之多， 啖啖肉好鮮好甜，而茄子好軟淋。暖暖嘅湯汁配合鮮甜毛蟹食好有滿足感。 呢度菜系海膽烏賊配小茄子天婦羅。烏賊好彈牙口感唔錯內裡包住海膽增加鮮味。 白燒活鰻魚 食落真係好嫩好滑，師傅燒得啱啱好，外皮脆而焦香味， 魚肉味道甜甜地又鮮。 呢度嘅黃金蟹膏
門面又大又 靚嘅福丸水產，佈置得相當漂亮雅觀，未入去已經有好喜悅嘅心情。
今次叫嘅omakase set 有甜菜五點。首先見到嗰隻蟹仔好特別，食落去好脆，好似食緊薯片咁。 個青瓜啫喱口感好清新好特別。南瓜好軟熟好甜。
刺身有牡丹蝦,吞拿魚醬油漬,赤貝同埋螢光魷魚。牡丹蝦好彈牙新鮮，啖啖鮮味，亦有蝦膏。吞拿魚醬油漬入口軟淋，醬油漬味道濃，赤貝好爽口彈牙。
壽司分別係活北寄貝，蝦蛄 同碎蔥吞拿魚手卷， 手卷味道好好，吞拿魚須入口即溶，而活北寄貝亦鮮甜美味。
a4和牛薄燒。先講配料,大菇做得好香兼多汁， 露筍 卜卜脆。主菜a4和牛薄燒，內裏包裹著 蒜片一齊食， 增加口感味道，而a4和牛入口 即溶，牛肉嘅脂肪味道喺口入面充斥著，非常美味。
毛蟹茄子豬肉，係我最喜歡既一道菜。毛蟹肉非常之多， 啖啖肉好鮮好甜，而茄子好軟淋。暖暖嘅湯汁配合鮮甜毛蟹食好有滿足感。
呢度菜系海膽烏賊配小茄子天婦羅。烏賊好彈牙口感唔錯內裡包住海膽增加鮮味。
白燒活鰻魚 食落真係好嫩好滑，師傅燒得啱啱好，外皮脆而焦香味， 魚肉味道甜甜地又鮮。
呢度嘅黃金蟹膏甲羅燒，做得色香味俱全。一睇到嗰個顏色同埋配料，就覺得好奪目，燒完之後嘅味道更加令我哋驚嘆。 蟹膏味道鮮味出眾，配合鵪鶉蛋令到蟹膏更加幼滑。
日本番薯豚肉野菜烏冬。先講嗰個豚肉真係比普通嘅豚肉更軟熟，完全唔覺韌。烏冬係薄身烏冬，好彈牙，食完已經飽曬啦。
第一次食芥末雪糕，芥辣味好濃，但係食落又唔覺得好辣，個口感好特別層次好豐富。張貼
